MWEN MENM

Mwen se yon pwofesyonèl nan domèn nitrisyon ki gen konesans. Pandan 11 dènye ane ki sot pase yo, mwen konseye dè milye de kliyan, edike sou nitrisyon ak kilti nan kominote Ayisyen yo, nan klinik, legliz, estasyon televizyon ak radyo.

Aprè mwen gradye nan Broward College ak yon asosye nan Biyoloji, ak entansyon pou ale nan lekòl medsin, mwen enskri nan yon kou nitrisyon nan Florida International University, imedyatman mwen renmen pwofesyon an, mwen chanje espesyalite mwen an dyetetik ak nitrisyon.

​

Lè mwen gradye nan 2009, mwen te kòmanse travay ak Depatman Sante Florid nan Broward County, mwen te yon elèv entèn la, epi Grefye Senior, ak Edikatè Nitrisyon. Yo te aksepte mwen nan estaj dyetetik Pasco County a, lè mwen te konplete avèk siksè egzamen RD (Registered Dietitian) la, mwen te sèvi kòm nitrisyonis Sante Piblik, e Sipèvizè Nitrisyon Sante Piblik nan youn nan 7 klinik WIC (Women, Infant, and Children) nan Broward.

Mwen gen yon Metriz nan Sante Piblik nan Benedictine University ak yon konsantrasyon nan Edikasyon Sante ak Pwomosyon. Mwen te travay kòm yon konsiltan dyetetist nan zòn Chicago yo nan enstalasyon swen alontèm espesyalman kliyan ki sou dyaliz. Kounye a mwen nan pratik prive k’ap sèvi kominote ayisyen an, k ap travay kole kole ak fanm ede yo pran kontwòl sante yo pou yo gen enèji pou yo fè aktivite yo renmen yo.

Mwen marye ak Frantz Francisque, yon doktè ki sètifye. Nou gen twa pitit. Ansanm, nou viv nan 5 eta nan 7 dènye ane yo. Mwen renmen pase tan ak fanmi mwen. Plezi mwen pi renmen se chante, mwen renmen lekti, fotografi, vwayaje, koud, ak pwojè atizana.

Si ou enterese travay avè’m, tanpri kontakte m' isit la.

Mèsi pou vizit la,

Bid-Lose